5 «Ә» сынып оқушылары сынып жетекшісі Балғын Кәрімбергенқызымен бірге мектеп кітапханасында «Даланың дара ұстазының» шығармашылығына саяхат жасады.

Ыбырай Алтынсарин – бар саналы ғұмырын туған халқын өнер-білімді, жаңа заманның өркениетті, мәдениетті елдерінің қатарына қосу жолына арнаған көрнекті тұлға. Ол өзінің ағартушылық, педагогтік, ақын-жазушылық тарихи қызметі мен зор талантын, жан-жақты терең білімі мен қайрат-жігерін елдің «желкілдеп өскен көк шөптей» жас ұрпағын оқытып, тәрбиелеуге, қазақ жерінде жаңа үлгідегі мектептер ашып, оқушыларды өз кезінің озық ғылымымен қаруландыруға, кәсіп түрлеріне үйретуге арнаған.

Осы орайда, 5 «Ә» сынып оқушылары сынып жетекшісі Балғын Кәрімбергенқызымен бірге мектеп кітапханасында «Даланың дара ұстазының» шығармашылығына саяхат жасады. Рухани шара барысында балалар Ыбырайдың әңгімелеріне талдау жасап, өлеңдерінен үзінділер оқыды. Оқушы Абдыхаим Паңыш өзінің ең сүйікті шығармасы Ыбырайдың «Бай баласы мен жарлы баласы» әңгімесі екенін айтып, шығарманың фабуласын баяндап, тақырыбы мен идеясына талдау жасады. Ал Молдан Кәусар есімді оқушы ақынның «Өзен» өлеңін тебірене жатқа оқыды.
Балалар рухани шарадан мол азық алып, кітапқа деген құштарлықтары одан әрі ояна түсті.

#оқуғақұштармектеп

https://www.instagram.com/p/ClpfGPtItXG/?utm_source=ig_web_copy_link