Тамыз форумы

25 тамызда Республика сарайында Алматы қаласы педагогтарының пленарлық отырысы өтті. Тамыз форумы деп аталатын бұл отырысқа барлығы 23 мың педагог қатысты. “Білімді ұлт: білімге ұмтылу, еңбексүйгіштік және патриотизм” тақырыбында өткен форумға еліміздің оқу-ағарту министрі А.Аймағамбетов, Алматы қаласы әкімі Ерболат Досаев, сондай-ақ білім беру саласындағы қазақстандық және шетелдік сарапшылар қатысты. Отырыс барысында алдағы оқу жылында қала мектептерінде білім беру сапасын арттыру жолдары талқыланды. Бұл жиынға мектебіміздің директоры А.Н.Омишова мен 15 мұғалім қатысып, жақсы жетістіктер мен тың бастамалардың куәсі болып қайтты.