Digital Ustaz Almaty

Қазақстан Республикасы Тәуелсіздігінің 30 жылдығына орай, бүгін, 6 желтоқсанда, Алматы қаласының әкімі Бақытжан Сағынтаевтың «Digital Ustaz Almaty» жүлдесі үшін ұстаздар арасындағы бірінші қалалық байқаудың финалы өтті. «Цифрлы ұстаз Алматы» жобасы Қазақстан Республикасы Тәуелсіздігінің 30 жылдығына орайластырылған және оны Алматы қаласы әкімдігі, Нұрсұлтан Назарбаев Білім беру қоры, Білім және ғылым министрлігінің қолдауымен EdCrunch академиясының заманауи білім беру институты ұйымдастырып отыр.

Аталған жобаның қорытынды кешін тамашалауға мектеп-гимназиямыздың директоры Омишова А.Н арнайы шақыртумен қатысты.
Кеш барысында Алматы қаласының әкімі Б.Сағынтаев жобаның жеңімпаздарын арнайы құттықтап, ары қарай жоба финалы концерттік бағдарламамен жалғасын тапты.