БЖБ, ТЖБ тапсыру ережелері

Биылғы оқу жылының I тоқсаны да аяқталуға жақын.  Биыл оқу дәстүрлі форматқа көшкенмен, балалардың арасында денсаулық жағдайына байланысты онлайн форматта оқитын оқушылар әлі де бар. 
МОН РК  А. Аймағамбетовтің “Коронавирустық инфекцияның таралуына жол бермеуге байланысты шектеу шаралары кезеңінде орта білім беру ұйымдарында дәстүрлі (штаттық) 2021-2022 оқу жылындағы оқу процесін ұйымдастыру жөніндегі әдістемелік  ұсынымдарды бекіту туралы” бұйрығына сәйкес №444 хатының 1-тарау, 4-тармақтың 2-тармақшасында:

“БЖБ және ТЖБ өткізу мерзімдеріне сәйкес орындайды. Білім беру ұйымының шешіміне орай БЖБ штаттық форматта немесе қашықтан орындалады. ТЖБ мектепте штаттық форматта орындалады”- деп бекітілді. 

  Осыған байланысты Құрметті, ата-аналар! Балаларыңызды мектепке әкеліп, ТЖБ тапсырмаларын орындауларына мүмкіндік жасауларыңызды сұранамыз. Әр оқушының сапалы білім алуына жағдай жасау- ортақ міндетіміз.