Ата-аналар жиналысы!

Жаңа оқу жылы басталғалы балалар мектепке барып оқып жатқаны белгілі. Ата-аналар тарапынан бұл  бір жағынан қуантарлық жайт болса, бір жағынан қазіргі пандемиялық ахуалға байланысты балаларына алаңдап отырады.  Осы мәселеге байланысты ата-аналардың көңіліндегі кірбіңді сейілту мақсатында, мектептегі қауіпсіздік шараларының жүру барысынан хабардар ету мақсатында, сонымен қатар, 1,5 жыл үйде отырған баланың сабаққа дайындығын қазіргі цифрлы Қазақстандағы білім беру мүмкіндіктерін дұрыс пайдалану туралы ақпараттармен бөлісу мақсатында “Жаңа оқу жылындағы оқу процесінің ұйымдастырудың ерекшеліктері” атты тақырыпта ата-аналар жиналысы өтті.  Жиналыстың күн тәртібінде мына мәселелер қарастырылды:-Жаңа оқу жылындағы оқу форматтары;-Оқытудың штаттық режимінде санитарлық талаптар;-Ғаламторды пайдалану ережелері; Жиналысты  әр сыныптың сынып жетекшілері мектеп басшыларының қатысуымен өздері өткізді. Ең бастысы, пандемия кезіндегі мектепте ұсталатын негізгі талаптар мен қағидалар ата- аналарға жоғары деңгейде түсіндірілді. Енді ата-аналар ешқандай арандатушы ақпараттарға сенбейді деген ойдамыз. Әр баланың өмірі тек ата-үшін ғана емес, мұғалім үшін де өте маңызды.Дәл қазіргі жағдай- мұғалімдер үшін де, ата-аналар үшін де үлкен жауапкершілікті талап ететін кезең. Сондықтан балалардың жағдайдың қиындығына қарамай, сапалы білім мен саналы тәрбиені бойына жақсы сіңіруге екіжақты тең дәрежеде ат салысайық!