15
октябрь
2019
Президент сайлауы
«Еліміздің ертеңі бүгінгі жас ұрпақтың қолында, ал жас ұрпақтың тағдыры ұстаздың қолында» демекші, мектеп өмірінің мәселелерін шешуде оқушылардың өзін-өзі басқарудағы өз бетімен шешім қабылдау қабілеттілігін артыру, оқушыларды қоғам мен мемлекетті басқару тетігіне дайындау мақсатында өткен бейсенбіде №53 мектеп-гимназиясының Президентінің сайлауы өтті. Мектеп ішінен
8 оқушы ұсынылды. Олар: Бакубаев Данияр , Қасқарбек Аружан , Амандықова Гулниса ,Жақыпбекова Жұлдыз , Балтабай Қанағат , Амангелдиева Мадина , Құрал Нартай, Оңлабек Елдос. Дауыс беру нәтижесі бойынша өзінің үздік бағдарламасымен жан-жақты қырынан көрсете білген, көп дауысты еншілеген 10-сынып оқушысы - Бакубаев Данияр жеңіске жетіп, мектеп президенті атанып, барлық жиналғандардың алдында ант қабылдады. Салтанатты жиында мектебіміздің 2018-2019 оқу жылының президенті Мурсал Айбек жеңіске жеткен Бакубаев Даниярды құттықтап, арнайы төс белгі тақты. Директордың тәрбие ісі жөніндегі орынбасары Арғынбаев Арман Токтасынович алда қолға алған жауапкершілігіне мол табыс тілей отырып, одан зор үміт күтетінін, білім сапасының артуына үлес қосатынына сенім білдірді.