№53 МГ "Біртұтас тәрбие" бағдарламасы аясында және "Алматы мектебі" бағдарламасына негізделген "Функционалды сауатты ұрпақ-ұлт болашағы" тақырыбында қазақ тілі мен әдебиеті пәні мұғалімі Абиыр А.Б. бастамасымен қалалық семинар өткізілді.

Медеу ауданы №53 мектеп-гимназиясында "Біртұтас тәрбие" бағдарламасы аясында және "Алматы мектебі" бағдарламасына негізделген "Функционалды сауатты ұрпақ-ұлт болашағы" тақырыбында қалалық семинар өткізілді. Семинардың басты мақсаттары: жалпыадамзаттық және ұлттық құндылықтарды бойына сіңірген еңбекқор адал, саналы, жасампаз азаматты тәрбиелеу. Сонымен қатар заман талабына сай жан-жақты, зерделі, талантты, дарынды, табысты әрекетке дайын, әлеуметтік рөлін сезінетін құзырлы тұлғаны қалыптастыру. Атаулы іс-шараның ерекше бір көрінісі оқушылар мен ұстаздар қауымының арасындағы "Кітап оқып жарысайық" жобасында талқыланған көркем шығармалар арқылы оқушылардың шынайы өмірдегі көзқарастары өзгеріп, өз игіліктеріне тиімді пайдаға асыра алғандықтары туралы кеңінен талқыланып, мектеп оқушылары өз тәжірибелерімен бөлісті. Семинар барысы қазақ тілі, бастауыш, тарих, физика, биология, математика, география пәндерінен "Біртұтас тәрбие" бағдарламасының мақсаттарына негізделген, "Алматы мектебі" бағдарламасының әдістерін пәндеріне арқау еткен ашық сабақтармен жалғасты. "Біртұтас тәрбие" бағдарламасының негізінде қазіргі заманның өзекті мәселесіне айналып отырған жалпыадамзаттық құндылықтарды ұрпақ бойына сіңіру мақсатында " Адамгершіліктің шуағы сөнбесін" тақырыбында коучинг өткізілді. Оқушылардың шешендік қабілеттерін дамыту, қазақ тілінің қолданыс аясын кеңіту мақсатындағы үлгілік жұмыстар да назардан тыс қалмады. 
Оқушылардың бейімділіктері мен қабілеттерінің ерекшеліктері ескеріліп, олардың дамуына қолайлы жағдай жасай алған # 53 мектеп-гимназиясының алға қойған мақсаты орындалды.

#біртұтастәрбие
#алматымектебі
#53мектепгимназия 
@gcnto_2023 





https://www.instagram.com/p/C0PRzQkopx9/?img_index=1