Сыңғырла, соңғы қоңырау!

🌸🌸Қош бол, жас түлек!🌸🌸
Міне, атқан оқтай, шапқан аттай зымырап өте шыққан 2021-2022 оқу жылын да аяқтап, тағы бір керемет жылды артта қалдырдық. Биылғы "Балалар жылы" аясында "2022 жылғы Түлек - Жаңа Қазақстанның ертеңі" тақырыбында алтын ұя мектебімізде соңғы қоңырау салтанаты болып өтті. Салтанатты жиынға мектеп басшылары мен ардагер ұстаздары қатысты. Оқушыларымыз өнерлерін ортаға салып, қимастық сезіммен алтын ұяларымен қоштасып, жаңа өмірге, балалық шақтан болашаққа қадам басты.
"Аттандық сапарға,
Көңілде мол арман..." дегендей, биылғы түлектерімізге ақ жол тілеп, өмір айдынында қанаттары талмай, тек алға, биікке самға дейміз!
Сәт сапар, ақ жол, жас түлек!