№ 2 әдістемелік кеңес

02. 11. 2021 күні  53 мектеп- гимназиямызда кезекті әдістемелік кеңес өтті. 

     Күн тәртібінде қарастырылған мәселелер:
1. 2021-2022 оқу жылында педагог- модератор санатын алған мұғалімдердің алдағы оқу жылына арналған жұмыс жоспары; 
2. Жеке тұлғаның қалыптасуындағы сынып жетекшінің рөлі;
3. Қалыптастырушы бағалауға арналған тапсырмаларды әзірлеу алгоритмі;

   Жиналыс барысында күн тәртібі реті бойынша, ең алдымен, педагог- модератор санатын алған жас мамандар бұл санатты алу жолындағы жетістіктерімен бөлісе отырып, өздерінің жұмыс жоспарларымен таныстырса, мектебіміздегі ағылшын тілі пәні мұғалімі Кенжетаева Г. Б “Жеке тұлғаның қалыптасуындағы сынып жетекшінің орны” атты тақырыпта баяндама    жасады. Ал бастауыш сынып мұғалімі Ж. Тоқыбет “Қалыптастырушы бағалауға арналған тапсырмаларды әзірлеу алгоритмі” атты презентациясында заманауи білім беру жүйесіндегі түрлі әдіс тәсілдерімен бөлісті.

  Жиын соңында мектеп-гимназия директоры Омишова А. Н барша мұғалімдерді бала бойына сапалы білім ұялатуда талмай еңбектенуге шақырып, мұғалімнің қашанда ізденісте жүру керектігін ескертіп, кезекті әдістемелік кеңесті аяқтады.