Медеу ауданы әкімі Еркебұлан Оразалин бүгін көпбалалы ата-аналармен кездесті. Олардың қатарынада 53 мектеп гимназия ата-аналары мен мектеп әкімшілігінің қызметкерлері де болды. «Іс-шара барысында Кеңсай шағын ауданының тұрғындары шағын ауданға қатысты мәселелерді көтерді. Мәселелердiң бiрi мобильді интернеттің әлсіз сапасын талқылау болды, сонымен қатар көптеген қаңғыбас иттерге, ағаш бұтақтарына шағымдар айтылды. Аудан әкiмi жыл соңына дейiн әлсiз интернет мәселесi шешiлетiнiн атап өтті.

Мектеп инспекторы Манаев Айдар Асхатулы оқушылармен кездесті. Жиында директордың тәрбие ісі жөніндегі орынбасары А.Т. Аргынбаев мектеп тәрбиесін баяндаса, инспектор өрт қауіпсіздігі, жолда жүру ережелері, тәртіп сақтау мен беймезгіл уақытта жүру мәселелерін талқылады.

 

Бүгін Мемлекет басшысының тапсырмалары бойынша зардап шеккен бизнесті қалыпқа келтіру және қаланың одан әрі дамуы жөніндегі Алматы қалалық актив отырысы өтті. Отырыс барысында қала әкімі Б.Сағынтаев Алматыда зардап шеккен кәсіпкерлер үшін 2 пайызды кредит тағайындалатынын айтты. Сонымен қатар, бүлік кезінде зардап шеккен бизнес өкілдерін қолдау үшін қалалық “Алматы бизнес-2025” бағдарламасына бірқатар өзгеріс енгізілетінін жеткізді.